حكاية المراقبة على الانترنت

تيجى احكيلكوا حكاية سمعتوها كتير عن المراقبة على الانترنت وعن انظمة المخابرات الى بتراقب حساباتك على الانترنت فى الى فاهم وفى الى مش فاهم فى بردوة الى عارف ان دة بيحصل بس مش عارف بيحصل ازاى

ححكيلكوا  

المراقبة بتتم على الانترنت مش بس من الانظمة الحكومية لاكن كمان من شركات التسويق 
ودى بتراقبك وبتحاول تعرف ميولك الى بتبان من خلال المواقع الى ببتصفحها او بتشوفها 
مثلا بتدخل على مواقع التسوق ولا لا بتحب انهى نوع من المواقع واية الخدمات الى بتتدخل عليها 
بتقضى وقت قد اية فى كل موقع واية المواقع الاكثر زيارة بالنسبالك بتحب تتابع الاغانى او الملفات الصوتية ولا الفيديوهات اكتر الخ..

طيب وبتستفيد اية الشركات دى لما تعمل كدة ؟
- بتستفيد من كدة انها بتبيع لشركات تانية عندها منتجات زى موبايل او حتى علبه ميك اب 
فى انها حتقدم لهم زبائن محتملين بمعنى ناس حتشترى منتجاتهم بنسبة 100% لانه بيعرض 
عليك الاعلان وهو عارف مليون % انك مهتم بالموضوع دة وحتشترى

من اكبر المواقع و الشركات الى بتعمل كدة على سبيل المثال : جوجل - فيسبوك 
تخيل ان بتستخدم نظام اندرويد على موبايل والى بتدعمة جوجل وبتستخدم متصفح كروم الى عملته جوجل وبتستخدم محرك بحث جوجل فى البحث عن اى حاجة وعندك حساب بريد على جوجل   بالبلدى انت بتاعهم كدة عارفين عنك كل حاجة 
دلوقتى الاعلانات مبقتش بتتباع كدة وخلاص لكن بقيت كمعلن تقدر تحدد انت عايز اعلانك مين الى يشوفة راجل ولا ست وفى سن كام ومن انهى بلد او مدينة او منطقة واية هى اهتمامتهم 

طيب بعد الى قولته دة كله من استخدام الشركات فقط تفتكر عايز تعرف الانظمة او المؤسسات الحكومية تقدر تعرف عنك اكيد كدة عرفت بس بالنسبالهم الموضوع مختلف شوية بخلاف انهم يعرفوا عنك كل حاجة فاتت من خلال الشركات دى والى بتقوم بجمع المعلومات عنك هما بيكونوا 
مخزنين كل حاجة عنك وانت بتكون ضمن تصنيف اه تصنيف كل انسان على الكوكب دة بالنسبة لوكالة الامن القومى و المخابرات المركزية مصنف اه بالنسبة للناس الى حتقول ازاى حيعرفوا يعملوا كدة احب اقولة وازاى تطبيق زى ترو كولر عرف اسم ورقم تليفونك  ببساطة انت الى بتديهم كل المعلومات الى هما عايزينها من غير ما تحس

طيب عايز متبقاش متراقب ؟

متستخدم فيسبوك ولا تويتر ولا جوجل بكافة خدماته وتستخدم متصفح Tor يعنى من الاخر تكون بعيد تمام عن الشبكات الاجتماعية بالاخص لانها بتقوم بتحليلك نفسيا ومعرفة ميولك الشخصية

طبعا دة صعب بالنسبة لناس اتعودت على استخدام المواقع دى بس دة الحل الوحيد واكيد حتقول 
انا مش مهم اوى عشان يتبعونى على فكرة هما مش بيتبعوك :) هما بيتابعوا كل مستخدمى الانترنت .....

فى اغلب المواقع بتلاقى اتفاقية بتوافق عليها عشان تفتح حساب بس محدش بيقراها فى الاتفاقية دى والى بتوافق عليها مفيش حاجة اسمها خصوصية خصوصيتك منتهكة ومغتصبة بموافقتك

ماذا يقول الاخرين عن حكاية المراقبة على الانترنت